Steinunn Bergmann

Nýverið var send út fyrsta tilkynning um sameiginlega Norræna ráðstefnu um velferðarmál sem haldin verður í Reykjavík í ágúst 2011. Meðal undirbúningsaðila er Ís-Forsa.

Ráðstefnan er tilvalið tækifæri til umræðu um hugmyndir og þróun velferðarmála, stefnumótun, vinnuaðferðir og rannsóknir í Norrænu ljósi.

Meðal aðalfyrirlesara verða:

Björn Hvinden, Professor, Head of Research & Deputy Director Norwegian Social Research (NOVA),
Jan Tøssebro, Professor. The Norwegian University of Science and Technology.
Jorma Sipilä, Professor (emeritus). University of Tampere.
Rannveig Traustadóttir, Professor. University of Iceland.
Sigrún Júlíusdóttir, Professor.University of Iceland.

 

Athugið eftirfarandi dagsetningar:

February 1st 2011 Abstract submission deadline
April 1st 2011 Abstract acceptance information
June 15st 2011 Early registration deadline

 

Nánar á slóðinni: http://gestamottakan.is/welfare2011/home.html 

 

Samtök um rannsóknir í félagsráðgjöf, Ís-Forsa, er hluti norrænna systursamtaka sem vinna að framgangi rannsókna og fagþróunar í félagsráðgjöf. Stjórn Ís-Forsa veitti í fyrsta sinn viðurkenningu fyrir framúrskarandi meistararitgerð á sviði velferðarmála á árlegu málþingi sínu sem haldið var 11. maí 2010, þar sem fjallað var um gæðavísa og matsaðferðir í velferðarþjónustu. Sérstök nefnd metur ritgerðir sem tilnefndar eru af háskólakennurum.

Þrír einstaklingar sem luku meistaraprófi á sviði velferðarmála árið 2009 með framúrskarandi árangri voru tilnefndir. Þeir voru Óskar Dýrmundur Ólafsson fyrir ritgerð sína, Akureyrarlíkanið. Aðferðir og áhrif stjórnunar á samþættingu í þjónustu Akureyrarbæjar, Steinunn K. Jónsdóttir fyrir ritgerð sína, Sérhannað húsnæði aldraðra: Stefnumótun og löggjöf á Íslandi 1983-2008 og Soffía Stefanía Egilsdóttir sem hlaut viðurkenningu Ís-Forsa, fyrir ritgerð sína, Samskipti aðstandenda og starfsfólks á hjúkrunarheimilum: Að dansa í takt.

Með veitingu viðurkenningarinnar vill stjórn Ís-Forsa stuðla að viðgangi framhaldsnáms á sviði velferðaþjónustu og að viðurkenning fyrir framúrskarandi framlag til rannsókna á meistarastigi geti orðið hvatning og stuðlað að vandaðri nýsköpun þekkingar.

Þeir sem vilja kynna sér nánar efni ritgerðanna er bent á að hægt er að skoða/lesa þær á www.skemman.is

Gæðavísar og matsaðferðir í velferðarþjónustu 

(erindi málþingsins er hægt að skoða undir flipanum Málþing, málþing 2010 - http://isforsa.net/sida/malting2010/ )

Málþing Ís-Forsa og samstarfsaðila
Haldið 11. maí 2010 kl. 13.00-15.00
í Háskóla Íslands, Odda, stofu 201

Málþingsstjóri: Lára Björnsdóttir formaður velferðarvaktarinnar

12:30    Skráning
13:00     Setning:  Sigríður Jónsdóttir, formaður Ís-Forsa
13:10    Staðlar fyrir vistun eða fóstur barna á vegum barnaverndaryfirvalda: Bryndís Guðmundsdóttir uppeldisfræðingur, sérfræðingur hjá Barnaverndarstofu.     
13:35    Mælikvarði á gæði ? Gæðavísar í heilbrigðisþjónustu:   Laura Scheving Thorsteinsson hjúkrunarfræðingur, verkefnisstjóri hjá Landlæknisembættinu og aðjúnkt við Háskóla Íslands.
14:00    Kaffi
14:20    Gæðaviðmið í öldrunarþjónustu: Jón Björnsson sálfræðingur og rithöfundur.
14:45    Viðurkenning fyrir framúrskarandi framlag til rannsókna á meistarastigi á sviði velferðarmála
15:00    Málþingslok

Skráning hjá Rannsóknasetri í barna- og fjölskylduvernd, netfangið er rbf@hi.is. Félagar í  Ís-Forsa eru hvattir til að koma með veggspjöld um rannsóknir og þróunarverkefni sín. 

Aðgangseyrir er 2.000 kr.
Nemendur í fullu námi greiða ekki aðgangseyri, aðrir nemendur greiða kr. 1.000,-

Málþingið er opið öllum.

Á aðalfundi Ís-Forsa árið 2009 var samþykkt að samtökin veiti viðurkenningu fyrir framúrskarandi meistararitgerð á sviði velferðarmála.

Auglýst verði  árlega meðal háskólakennara eftir tilnefningum.  Sérstök nefnd metur ritgerðir sem tilnefndar verða. Viðurkenningin verði veitt á árlegu málþingi Ís-Forsa.

Fyrir hönd Ís-Forsa er nú leitað ábendinga og óskað tilnefningar á framúrskarandi ritgerð/rannsókn sem lokið var á árinu 2009.

Á meðfylgjandi blaði er að finna lýsingu á framgangi við val á ritgerð vegna tilnefningarinnar.

Málþing félagsmálastjóra á Íslandi Salnum í Kópavogi föstudaginn 20. nóvember 2009 kl. 13:00 til 17:00

Sveitarfélögin og félagsþjónusta þeirra hafa orðið fyrir skakkaföllum vegna efnahagsástandsins, aukin eftirspurn er eftir þjónustu, nýir notendur og ný viðfangsefni knýja dyra, þeir sem fyrir voru eru verr settir, starfsmenn hafa margir orðið fyrir áföllum eins og notendur. Það hriktir í þekktum aðferðum og bjargir eru af skornari skammti en áður.

Samtök félagsmálastjóra á Íslandi fagna aldarfjórðungsafmæli um þessar mundir og vilja á þeim tímamótum beina sjónum að tækifærum sem þessi staða færir, horfa fram á veginn í stað þrenginga.

Spurt er um möguleika sveitarfélaganna og félagsþjónustunnar, um þýðingu hjartans fyrir siðferðislífið og hvers vegna er ekki nóg að vera bara rökvís, gáfaður og klár, um skáldlega sýn á glímuna við reiðina og leit stjórnandans að árangri á tímum breytinga, auraleysis og aðhalds, um starfsmanninn sem situr í súpunni , um auð einstaklingsins og mikilvægi réttlætis og jafnræðis við endurreisn farsæls samfélags.

Dagskráin - smellið hér.